گوگل دنیا

گوگل دنیا (Google Eath) ایک جدید سوفٹ وئیر ہے، جس کی مدد سے پوری دنیا کی سیر گھر بیٹھے کمپیوٹر کی مدد سے کی جاسکتی ہے۔ یہ سوفٹ وئیر دراصل کی ہول انکارپوریشن کی تخلیق تھی جس کو2004ء میں گوگل نے خرید لیا۔ گوگل تصویری دنیا دراصل پوری دنیا کا ایک تصویری نقشہ ہے۔جس میں سیٹیلائٹ سے لی گئی تصاویر، فضاسے لی گئی تصاویر اور جغرافیائی معلوماتی نظام سے لی گئی تصاویر کا مجموعہ ہے۔ یہ کئی زبانوں میں دستیاب ہے۔[1] فی الوقت یہ سوفٹ وئیر تین مختلف اجازت ناموں کے تحت دستیاب ہے۔
مفت دستیابی: گوگل دنیا کا یہ سوفٹ وئیر دنیا بھر کے صارفین کے لئے بالکل مفت ہے تاہم اس میں گوگل دنیا کے محدود سہولیات مہیا کی گئی ہیں۔
گوگل دنیا پلس: گوگل دنیا کا یہ سوفٹ وئیر چند اضافی سہولیات کے ساتھ پیش کیا گیا ہے اور اس کی قیمت تقریباً 20امریکن ڈالر سالانہ ہے۔
گوگل دنیا پیشہ ور:گوگل دنیا کا یہ سوفٹ وئیر جدید ترین آلات و سہولیات سے مزین ہے اور یہ تجارتی مقاصد کے لئے بنایا گیا ہے۔ اس کی قیمت سالانہ 40 امریکن ڈالر ہے۔